Iban

Dalam progrem Radio Free Sarawak lemai tu: UMNO klalu takut sarak enggau Perikatan Nasional! Datuk Seri Khairuddin madahka UMNO tulihka penguntung ari penusah menua ti tasah diatu lalu nadai kiruh deka mutarka penusah ti nuntung Makaysia diatu, lalu UMNO tetap begulai sejalai enggau Perikatan Nasional nganti sida ti bisi bulih tetabai bukai dikena sida nanka juluk ati sida. Anna Har bisi ngaga wayang ti nyeritaka pemerinsa orang ti dijamah polis lebuh sida dalam jail, iya bisi dipansik polis ketegal wayang nya. Penududi, kitai ngenang pasal pemedis rayat ti seranta minta MyKad ngagai perintah enti dibandingka enggau orang ti kaya, orang ti benama jelai berita. Dingaka semua cherita tu enggau ti bukai ditusui Radio Free Sarawak online pukul 6 lemai tu....

English

On Tonight's Show: Umno is too gutless to leave PN! Datuk Seri Khairuddin says Umno would rather benefit from the nation's suffering than rebuild the country, and will stick with PN until they can protect their interests somewhere else. And, Braving police brutality to protect our future! Filmmaker Anna Har was interrogated over the film, "Chilli Powder and Thinner", and says the police cannot be allowed to self-govern. Finally, the continued identity card struggle shows the difference between rich and poor as ICs are granted to "imported" celebrities but not ordinary people. This and more from 6pm...

Iban

Dalam progrem Radio Free Sarawak lemai tu, Kati gaya atur betuchuk baksin enggau penyampau tubuh ti ngidapka Covid nya betul? Dr.John Brian madahka penerang penyampau orang ti ngidapka Covid nya enda betul dipadahka perintah nya akal dikena sida nanka kuasa politik sida, iya besalah lalu mantah GPS ti ngelekatka logo party ba palan endur betuchuk baksin, laban ukai GPS ti melanja progrem betuchuk baksin. Dr Brian madahka rayat Sarawak enda klalu mudah dikelakar! Sapa ti ngatur duit? Kaban PKR Sarawak Cherishe Ng minta perintah madahka bagi opis perintah ti ngatur duit tulung RM25000 ti dikena nulung rayat ti suntuk ba siti-siti sitak Council Negeri diatu. Kami mega bisi berandau enggau bala rayat Sarawak ari Miri trus ke Sibu ti bisi nuatka menira kain belachu...Dingaka semua cherita tu enggau ti bukai ditusui Radio Free Sarawak online pukul 6 lemai tu....

English

On Tonight's Show: Doctoring COVID vaccines and statistics? Dr John Brian believes Malaysia's leaders have been deliberately misreporting cases to suit their political agenda, and blasts GPS for placing their logo on vaccine vials as if to imply they sponsored the vaccination program. Dr Brian says Sarawakians are not so easily fooled! And, Who's handling the money? Women PKR Secretary of Sarawak Cherishe Ng demands to know which government agencies will be distributing the 250,000 aid. We also speak with Sarawakians from Miri to Sibu who are living under a white flag... This and more from 6pm.

Iban

Dalam progrem Radio Free Sarawak lemai tu, kitai dulu Ngasuh Perintah Madahka Pekara ti Betul! Kaban PKR Dennis Along madahka 78 orang di menua Mulu bisi ngidapka Covid 19 ti benung di kurantin...tang penerang ari perintah madakka semina siku aja. Iya minta perintah mansutka penerang ti betul awakka rayat di menua nya bejaga. lya mega nyukung penemu kaban PKR Baram ti minta Perintah ngena duit ari chukai kampung - Forest Concessions Fund dikena ngaga klinik di menua pesisir. Rayat di Sungai Asap Begunaka Duit! Aldian Tuah ari Sungai Asap madahka perintah bulaka semaya ti deka ngatur bank ti mindah kin-kitu di Sg.Asap, diatu rayat ngambi duit sida ba bank di pasar Belaga, lalu mensia lama berapa jam nganti gintir diri. Penududi, kitai ngenang, Rayat Di Pesisir Begunaka Penerang ti Betul pasal Baksin! Yusri Ahon ari Kampung Mai, Pahang minta perintah kimpin ngagai semua kampung nerangka pemesai guna betuchuk ngena baksin ba bansa asal dikena nyaga pengerai sida ari diserang penyakit Covid.Dingaka semua cherita tu enggau ti bukai ditusui Radio Free Sarawak online pukul 6 lemai tu...

English

On Tonight's Show: Report the facts! PKR's Dennis Along says 78 people tested positive for covid in Mulu and were quarantined...but the government only reported 1 positive case in the area. He demands transparency so that citizens can remain vigilant and safe. He also supports PKR Baram's demand to use the Forest Concession fund to improve health clinics in rural areas. And, Sg Asap needs access to cash! Resident Aldian Tuah says the government is not taking the problem of mobile banking seriously as residents are forced to queue for hours in Belaga at the only nearby ATM. Finally, Villagers need more vaccine information! Yusri Ahon of kpg Sg Mai Pahang says the government needs to do personal campaigns about vaccine safety to encourage indigenous groups to accept it. This and more from 6pm...

Iban

Dalam progrem Radio Free Sarawak lemai tu, kitai dulu ngenang: Rayat B60 Begunaka Duit RM1500. Kaban PKR Abun Sui nyukung penemu Anwar ti minta perintah meri duit RM1500 dikena nyangga rayat ti balat suntuk diatu maya menua ti tasah laban penyakit covid. Iya madahka perintah mesti mantu rayat tang anang nejuka rayat merinsa keberuran. Anang nganti rayat nuatka menira belachu! Kepala SUHAKAM Jerald Joseph mandahka menua diatu ditapi penusah rabat ti raya lalu mayuh rayat semina bisi pengidup kair pantuk. Kami deka mansik pasal polis ti mejalka rayat ti keberuran diasuh nurunka menira kain belachu. Ke penududi, Semua Rayat endang patut dituchuk ngena baksin! Mayuh bansa asal ti nadai MyKad tauka passport diburu pulai lebuh sida datai minta dituchuk ngena baksin, aktivis Mandeep Singh madahka penyakit covid nadai milih bagi mensia ti nadai dituchuk ngena baksin tang diserangkap igi penyakit nya magang. Dingaka semua cherita tu enggau ti bukai ditusui Radio Free Sarawak online pukul 6 lemai tu....

English

On Tonight's Show: RM1500 necessary for B60 families. PKR's Abun Sui supports Anwar's call to give cash in hand to Malaysia's poorest families, and those who have slipped into poverty over the course of the pandemic. He says the government should prioritise helping its people rather than forcing the poor to live off meagre and insufficient savings.And, Don't wait for the white flag! Commissioner of SUHAKAM Jerald Joseph says the nation is on suicide alert with so many vulnerable people dependent on short term solutions. Meanwhile, we investigate reports of a police officer demanding hungry families lower their white flag. Finally, Vaccination is a Civil Rights issue! As passport-less indigenous groups are turned away from vaccination centres, activist Mandeep Singh says the virus doesn't discriminate between nationalities, races and religions—and neither should the vaccination program. This and more from 6pm...

Iban

Dalam progrem Radio Free Sarawak lemai tu kitai bisi ngenang pasal: Sekeda Menteri Ngelanggar Atur ! Secretary PK R Sarawak Joshua Jabeng mantah lalu besalah sekeda kaban Parliament ti ngelanggar Atur Bekurung enggau SOP, bisi mega sida ngayanka diri makai pemakai ti nyamai2 tang rayat mayuh keberuran laban suntuk barang pemakai, lalu sekeda bisi munuh diri laban nadai runding ngidupka diri agi. Kati pemayuh rayat Sarawak ti udah betuchuk ulih netapka bepilih besai diatur di Sarawak? Dr.Micheal Teo madah kira 80% rayat Sarawak tembu dituchuk nyangka dalam bulan 8 tu, tang GPS diatu nadai nyebut pasal bepilih besai. Tuai MUDA Jeffery Ngui ngansak rayat nulung sereta mantu pangan diri ti suntuk nadai barang pemakai enti sida bisi meda orang ti bisi nuatka menera kain belachu ba mua rumah sida nya tanda orang ti minta dibantu, lalu anang arapka perintah ti enggai mantu rayat ti tusah.Penududi kita ngenang pasal " Perintah ti Sengaja Merinsaka rayat" Dingaka cherita rayat ti nadai kala nerima tesen duit tulung ari perintah. Dingaka semua cherita tu enggau ti bukai ditusui Radio Free Sarawak online pukul 6 lemai tu....

English

Tonight: Shameless Rule-Breaking Ministers Evidence of Failed Government! Sarawak's PKR Secretary Joshua Jabeng slams the MPs violating MCO and SOP rules to live luxuriously while more and more starving citizens are driven to suicide. And, Will Herd Immunity Guarantee Sarawak An Election? Dr Michael Teo says the state is on track to vaccinate 80% of people by August but GPS is avoiding all talks of the election. Also, Mental Health Crisis Spurs White Flag Movement. MUDA's Jeffery Ngui implores communities to do for each other what the lazy government won't. Finally, "The Government Wants To Torture People": Meet the citizens who haven't received one cent of aid. This and more from 6pm...

Iban

Dalam progrem Radio Free Sarawak lemai tu, kitai bisi ngenang: Perikatan Nasional Besedia Badu Megai Perintah! YB Wong Chen mandahka atur PEMULIH ti ngena duit RM10 billion ti dikumbai dikena nulung rayat, lalu iya minta perintah mantaika penerang penatai duit nya! Iya madahka PH diatu besedia nganti PN megai perintah. Lalu Malaysia diatu begunaka atur penebus! Kelvin Yii bisi mansutka 3 iti langgur penemu dikena nebus menua tu ari Covid. Pia mega, Ari Ni Penatai Duit? President Tahabas Romauld Siew madahka atur perintah udah puntan megai menua tu, lalu ngenusah rayat ditinggang utang ti mayuh bendar! Dingaka semua cherita tu enggau ti bukai ditusui Radio Free Sarawak online pukul 6 lemai tu....

English

On The Show Tonight: PH Preparing for PN Departure! YB Wong Chen blasts the PEUMILAH as yet another stimulus package worth only RM10 billion for the people, and challenged the government to show their financial resources! He says PH is ready to replace PN. And, Malaysia Needs An Exit Plan! Kelvin Yii proposes a 3 step plan for bringing the virus under control. Also, Where Did The Money Come From? Tahabas President Romauld Siew says the government has failed to rule, saying the leaders are saddling the nation with impossible debts. This and more from 6pm...

Iban

Dalam progrem Radio Free Sarawak lemai tu kitai bisi ngenang pasal Agong endang Bekuasa Ngelepaska Menteri Besai! Andrew Khoo madah nitihka undang-undang Agong bisi kuasa madu enggau ngelepaska Menteri Besai! Kedua pasal pemerinsa rayat ketegal pemuntan atur Perikatan Nasional! Sapit Presiden PKR Chang Lih Kang bisi nerangka pemuntan atur perintah dikena mutarka penusah rayat, tegal nya mayuh orang ba rumahpanjai bisi nuatka menira kain belachu dikena nanda dia bisi orang diri sebilik benung keberuran suntuk nadai barang pemakai. Ka penududi Semaya Balang Maya Bepilih! Siku Tuai Rumah ari Sungai Buri, Bakong madahka sida serumah dipejalka mayar ungkus nyambung kuasa karan ngagai rumah sida laban 5 taun udah sida nganti semaya bula perintah ti deka nyambung kuasa karan ngagai rumah sida. Dingaka semua cherita tu enggau ti bukai ditusui Radio Free Sarawak online pukul 6 lemai tu...

English

On The Show Tonight: Agong Could Dismiss PM. Andrew Khoo clarifies the constitution and explains the Agong has the power to appoint and dismiss Malaysia's Prime Minister! And, Citizens Burdened With PN's Failures! PKR Vice-President Chang Lih Kang exposes the the government's attempts to shirk responsibility, leading to white flags raised in the windows of starving families. Finally, More Broken Election Promises! One Headman from Sungai Buri Bakong reveals how his community were forced to pay for their own electricity connection after five years of empty political promises. This and more from 6pm...

Iban

Dalam progrem Radio Free Sarawak lemai tu, Perintah enda nemu utai ti dikedeka tauka utai ti dipeguna Rayat....Diatu penyakit Covid agi ngelekai baka api ti nyerarai babas rangkai ba orang ti gawa ba kilang, nama kebuah perintah ngurung orang mayuh di rumah tang orang ti gawa ba kilang beterebas dikemendarka gawa? Minta Perintah, nulung nguburka orang ari pesisir ti udah nadai di nengeri. Chairman DAP Sarawak Chong Chieng Jen ngansak perintah ngagihka tanah nyadika tanah pendam awakka bisi endur nguburka orang ari pesisir ti nadai di nengeri laban ti ngidapka penyakit COVID. Badu ngelumbung ba Tasik Chini! Senator PKR di Pahang Bob Manolan besalah Kepala Menteri ti ngemendarka lisin orang ngelumbung ba Tasik Chini, lalu Orang Asli ti empu rumah udah dipindah ari endur nya, lalu nadai ulih berikan dia tauka bulih duit ari asil bala temuai ti nemuai ngagai Tasik Chini. Dingaka semua cherita tu enggau ti bukai ditusui Radio Free Sarawak online pukul 6 lemai tu..

English

On The Show Tonight: Government Doesn't Know What People Want...Or Need. As COVID continues to spread like wildfire across factory floors, why is the government locking citizens in their homes instead of locking down industries? And, Help Our People Bury Their Dead. State DAP Chief Chong Chieng Jen calls upon the state to provide land to help rural families lay to rest loved ones lost to COVID. Also, Stop Mining Tisik Chini! Pahang PKR Senator Bob Manolan blasts Chief Minister for granting mining licences which are already robbing Orang Asli communities of their homes. This and more from 6pm...

Iban

Dalam progrem Radio Free Sarawak lemai tu kitai dulu ngenang penyuntuk Dayak Penan sebilik ti ditinggang penusah nadai duit RM4500 dikena nguburka siku ari sida sebilik ti udah nadai ba sapital di Miri laban ti ngidapka penyakit Covid, ketegal penyuntuk nyau dua hari baru niang nya mujur dikubur, laban YB bisi meri duit dikena mayar ungkus dikena nguburka iya. Kaban PKR Dennis Along minta perintah Sarawak mayar ungkus nguburka orang ti seranta lebuh sida ti nadai di nengeri, laban mayuh rayat seranta ketegal tanah sida ti dalam pemakai menua sida udah dirampas tokey ladang sawit enggau tokey kayu balak. Kami nemu rayat diatu bebula semaya ti dikerembaika maya bepilih besai. Kami bisi berandau enggau sekeda rayat Sarawak pasal semaya balang ti besemaya deka ngaga jalai raya dipesisir ti dikerembaika semina dikena nginti undi sereta ngelakar rayat. Dingaka semua cherita tu enggau ti bukai ditusui Radio Free Sarawak online pukul 6 lemai tu...

English

On The Show Tonight: EXCLUSIVE! Mandatory Covid Funeral Costs Crippling Baram Families! RFS can reveal that a Penan family was charged RM4500 for funeral rites after they lost their loved one to Covid at the Miri hospital. Unable to pay, the funeral was delayed until two YBs stepped in to cover the costs many Sarawakians are unable to bear. PKR's Dennis Along calls upon the state government cover the costs of these mandatory burials, and recognise these communities live in poverty after losing so much of their land to plantations and logging. Also, We Don't Trust Your Election Promises. We interview Sarawakians about the roads promised at the last state election which won votes but never materialised. This and more from 6pm...

Iban

Dalam progrem Radio Free Sarawak lemai tu, Adat Menua Siga ngerandung maya bepilih besai menua Sarawak: Kepala Bersih Thomas Fann madahka Komiti Bepilih mesti ngaga undang-undang dikena nyaga pemetul atur dikena maya bepilih enggau kuasa enggau pengelikun pengundi maya Covid diatu. Bala Penan diatu mayuh rari ke dalam kampung tuai. Aktivis Dominic Langat madahka perintah mesti mujuk bala Penan awakka sida deka dituchuk ngena baksin, lalu anang nejuka sida bekupan dalam kampung tuai din. Pasal Atur Nuchuk Rayat di Pesisir. Tuai Kampung di Long Lawen madahka bala rayat iya dipejalka mayar RM100 dikena majar tambang kerita maya sida ti pulai mansang ke klinik perintah, iya minta perintah ngaga atur dikena mutarka penusah rayat ti seranta ti diau jauh di ulu sungai. Dingaka semua cherita tu enggau ti bukai ditusui Radio Free Sarawak online pukul 6 lemai tu...

English

On The Show Tonight: Localised Emergencies Could Delay State Elections: Bersih's Thomas Fann says the Election Commission must instate regulations to protect both the upcoming elections and the voters from the COVID virus and the political virus. And, Penans Abandoned To Forest. Activist Dominic Langat insists it is the government's duty to regain the Penan's trust to protect them against the virus, not leave them to fend for themselves in the forest. Also, The Rural Cost of Vaccines. A Long Lawen headman explains his people are forced to pay RM100 to take a 6 hour journey to the nearest clinic, and appeals to the government to prioritise the poor in remote areas. This and more from 6pm...