IBAN

Dalam progrem Radio Free Sarawak lemai tu, kitai ningaka pengirau, penangi enggau penusah ati orang ti diau ari ili tekat hydro Bakun , aban ba musin pengujan diatu, dia ai dalam tekat nya mesti dibuai ngagai sungai Batang Rajang. Gabrial Atong ti diau di Punan Ba, madah orang ti diau dia balat nangi sereta irau ati takutka sida ditinggang penusah ampuh baah. Semina nengah jalai balak ti digaga kompini Samling/ Ladang Sawit KTS ditengah sida 5 jam baru sida datai di Bintulu, enti maya sida dituntung penusah ngenyit. Jalai Jiwa Murni ti digaga ari Belaga ke Punan Ba trus ke Nanga Merit ti berengkah digaga perintah BN dalam taun 2016 suba lalu patut tembu ba Bulan Empat taun tu, ka mimit aja udah digaga. 30 peratus jalai nya puntul.Orang ti bempu tanah direnchah jalai nya selalu nagih kontrator laban pampas tanah sida apin dibayar. Gabriel udah nganjung surat komplin ngagai opis D.O enggau ngagai YB Liwan Lagan, tang nyentuk ke diatu nadai disaut. Jalai ti besabungka Belaga-Sekapan-Punan Ba- Nanga Merit dikemendarka digaga dalam Atur Lumpar Pemansang Malaysia ti Keenam suba. Diatu dalam Lumpar Pemansang Malaysia ti ke Sebelas mengkang ga apin tembu jalai nya. Klalu mayuh semaya kusung pengawa pemansang dikena ngemulaka rayat.Pendingka Radio Free Sarawak online pukul 6 lemai tu.

English

On today's show: Fear builds downriver of Bakun as the rains continue to pour.and water is being released. Gabrial Atong is a resident of Punan Ba ​​where he says residents are in a state of anxiety. The only road that allows them to get out of the village is through the Samling /KTS Oil Palm Plantation Road to Bintulu. The journey will take 5 hours and they say they need a proper emergency exit. However, Jalan Jiwa Murni Belaga-Punan Ba-Nanga Merit started by the BN government in 2016 and scheduled to be completed in April 2020 remains only partially built. Only about 30% of the road exists and it is not connected to anywhere. The local people therefore have questions for the contractor who has also failed to pay the compensation due to residents whose land was affected. Gabriel has made a complaint to the District Office and to the wealthy local YB Liwan Lagan. But so far no replies. The road from Belaga-Sekapan-Punan Ba-Nanga Merit was advertised to be built in the sixth Malaysia plan. However, here under the eleventh Malaysia plan it has not been completed.

IBAN

Dalam progrem Radio Free Sarawak lemai tu. Patut ka enda nembiak nurun sekula diatu? Kitai ningaka penerang ari YB Kelvin Yii. Sebengkah agi pekara, nya pasal sekeda projek ti patut digaga tauka enda ibuh digaga ? Kitai beratika pasal sekeda projek ti besai nyengkaum projek ti ngaga jalai raya dikena besabungka menua Sarawak enggau menua Sabah, pia mega langgur ti deka ngaga stadium di Selangau. Thomas Tegong bisi ngeluarka progrem lemai tu, Berita Menua mega bisi ditaburka ari Radio Free Sarawak pukul 6 lemai tu.....

English

On the show today: Back to School? We discuss the pros and cons with YB Kelvin Yii. Plus to develop or not to develop? We look at some major construction issues including the long touted but controversial Sabah Sarawak Link Road (SSLR) project and the proposal to build a stadium in Selangau. Thomas Tegong Laka is also with us and we have our usual roundup of local news. Online from 6pm.....

IBAN

Dalam progrem Radio Free Sarawak lemai tu, kitai ningaka cherita orang di Long Suit, tang nama kebuah klalu lama perintah nadai ngatur pemansang ba sida dia. Orang di Long Suit gaga ati lalu beterima kasih ngagai Kompini Sarawak Energy, laban udah lebih 60 taun sida nganti perintah ngamatka semaya ngaga kuasa karan ba genturung pendiau sida ngambika sida ngasaika pengidup ti lantang. Diatu sida dia bisi kuasa karan solar dikena ngenyelapka peti air tauka nerangka rumah ngena 5 iti lampu enggi sida sepintu-sepintu. Nama kebuah enda meri kuasa karan ti besai agi dikena mayar sekeda pengerugi laban sungai menua Sarawak enggau tanah bansa asal rusak laban perintah ti ngaga tekat hydro enggau ngaga ladang sawit ? Kati orang di pesisir nemu kini sida iya dikumbai Taib orang ti diau ukai ba tanah sida ? Lemai tu mega kita ningaka Dominic Langat nusui penusah pengidup orang di Long Suit ti diau jauh ari nengeri Miri, 7 jam pejalai ngena kerita 4D nenggah jalai balak ti balat luchak maya pengujan, pendingka berita bukai ari Radio Free Sarawak online pukul 6 lemai tu.

English

On the show today: Why so slow and why so mean? Villagers of Kampung Long Suit have offered a clap of hands to SEB, who after decades of delay have finally installed a promised solar energy power plant in the village. Yet, it seems the wealthy decision-makers behind the project don't want to make rural lives too easy - each family is only allowed enough electricity to EITHER run the fridge OR power five allocated light bulbs. Why not provide a little more when the rivers of Sarawak and native lands have been destroyed to power vast hydro-electric plants and create oil plantations all of which have provided an unwanted glut of electricity and bio-diesel? Do rural folk simply need to know their place as victims and 'squatters' as the Taib family have called the native people? We hear about this an more about the hard lives of the residents of Long Suit who live an expensive 7 hours drive along dangerous logging roads away from Miri from Dominic Langat and more. Online from 6pm

IBAN

Dalam progrem Radio Free Sarawak lemai tu kitai ngenang penusah ti bepuluh-puluh taun ti nuntung pengidup bansa asal ti balat rugi laban pengeraja asal, tanah enggau kampung tuai sida udah dirumpak. Boyce Anyie ari Mulu, kandang menua ti udah kusi laban endur bala Taib sebilik ngulihka batang kayu, semaya maya bepilih semina semaya kusung nyata dikena ngemula lalu ngelakar rayat, semaya madah bisi ngagihka duit RM300 million dikena ngerepair jalai balak ti ditenggah kompini Samling ngangkut lumpung batang kayu nya semina semaya pemula. Jalai nya nadai ulih ditenggah laban mayuh jamatan udah runtuh. Ni semaya lebuh maya bepilih dulu kamari ti deka ngaga kuasa karan micro-hydro electrict ? Indah ai paip ga nadai digaga. Orang ti sakit ari Limbang ti mansang berubat ke Miri nengah Brunei, mayuh orang ti suntuk nadai duit dikena mayar toll, nama kebuah bala YB ti kaung2 madahka diri bekuasa enda mutarka penusah ti nuntung rayat ti kurang penatai-pemisi ? Pendingka pekara nya ari Radio Free Sarawak online pukul 6 lemai tu

English

On the show today: Decades of empty promises and still not even basic facilities for native communities robbed of their lands and timber. Boyce Anyie from Mulu, a region ravaged by concessions handed to the Taib family, says promised projects from the last election have still not been fulfilled, including a RM300 million promised upgrade of the logging roads used by Samling to take their timber. Instead of being converted to serve the communities as promised the roads are now fallen into disrepair with bridges collapsed. As for promised micro-hydro electric power from the last election cycle? Nothing. Not even clean water has been provided. Also, sick people from Limbang have to travel through Brunei to get to their hospital, but many are too poor to afford the tolls, why have their powerful YBs failed to solve this issue? Tonight online from 6pm.....

IBAN

Dalam progrem Radio Free Sarawak, kitai ningaka penusah ti nuntung rayat ti diau ari ili tekat hydro Bakun, laban ai ti lepaska ari tekat nya ngampuh lalu ngerusak utai tanam,rumah enggau sekeda jalai raya. Kedua semua orang ti mudik tauka ngundur ai Batang Rajang diasuh bejaga laban ai ti baah sereta dras ti tau ngenusah orang, tang bekeni ku rayat ti enda nemu pasal penusah laban baah tunggal nya ila deh ? Kami bisi dipadahka pasal mayuh penusah ti nuntung rayat laban baah tunggal nya ila tentu bisi rumah, utai tanam, jalai ampuh baah, sungai Batang Rajang baah lalu ai dras enda ulih endur berikan. Kami bisi berandau enggau sekeda rayat ti diau ari ili tekat hydro Bakun, madahka kompini Sarawak Energy enggai mayar pampas utai tanam tauka rumah sida ti rusak, tauka ngaga jalai ti udah rusak ampuh baah, pia mega sida nadai disambungka kuasa karan ngagai rumah sida, tang sida agi mengkang ngena generator taja sida dipejal pindah ari tanah sida ti direngkap kandang tekat hydro nya. Sida siang-malam ngembuan pengirau ati laban asai ti diau dibaruh punggu asai ti begulai enggau antu dibaruh dagu. Kami bisi berandau enggau kaban gerempung "Mari Makan" di Miri ti agi meri tulung barang pemakai ngagai orang ti suntuk di Miri, udah nya kitai nemuai ngagai Palan Main Asal Dayak.... Pendingka pekara tu ari Radio Free Sarawak pukul 6 lemai tu.

English

On the show today: 'Controlled Release?' Residents of the area beneath Bakun Dam, where around half of Sarawak's native populations live, have been notified that owing to dangerously high water levels in the Dam the operators will begin a 'controlled release' of water starting IMMEDIATELY for the next MONTH. Anyone navigating the river is warned of the danger of the artificially high waters, but what of those not yet warned? What of the native people whose fields and roads and buildings are routinely flooded, crops destroyed and fishing made unavailable by these sudden and unpredicted artificial surges? We speak to the communities who say SEB have never compensated them for their losses or provided roads to withstand the deluges. Nor do these communities downstream of the 2nd largest hydropower installation in the world yet have electricity from the dam - they are still forced to depend on diesel generators despite having been forced from their lands to make way for the dam (whose safety issues remain glaring and unresolved). Also, we speak to the 'Let's Eat' activist who helps many of the displaced native poor obtain food in Miri City and we take a tour of Dayak Cultural Classes and Art.......

IBAN

Dalam progrem Radio Free Sarawak lemai tu, kitai ngenang penelap ati orang ti siru nulung orang ti agi biak enggau orang ti nyau tuai ti bisi penusah dalam pengidup. Sida ngaga palan endur ngajar ngaga mayuh macham utai, nyendiaka barang pemakai, ngemataka pengerai, sereta bisi ngaga rumah ka sekeda orang ti suntuk nya. Kaban Serakup tu ngiga orang di Kuching ti deka nulung sida. Cherita ti kedua nya pasal penchuri! Sekeda barang ti lesap nadai ditemu penungga enggi orang di Long Terawan lebuh maya atur bekurung di rumah, barang nya nyengkaum 3 iti tangki ai, 2 iti enjin api, 200 iti batang pipe enggau pekekas jelatung. Denis Along bisi ngeripot pengelenyau barang nya, lalu diatu Tuai Rumah enggau Councillor sida dia bisi madah ngagai polis, madahka barang nya nadai lenyau tang udah dipindahka ngagai endur bukai! Pendingka penerang ari Denis pasal pekara tu dikeluarka ari Radio Free Sarawak lemai tu, ngambika orang ti ngereja penyalah nya ditinggang adat!.... Radio Free Sarawak nusui cherita bukai nyengkaum Berita Menua pukul 6 lemai tu.

English

On today's show: Roll up volunteers! We speak to HIDUP the charity which helps the disabled young and old. They provide rehabilitation training, food, health assistance and even build houses for the less fortunate. They are looking for volunteers in the Kuching area. Plus STOP THIEF! The outrageous unfolding of events surrounding the total removal of a Long Terawan village water system during lockdown (missing items include 2 generators with 35 units each, 3 massive water tanks, 200 water pipes and a floating Jetty). Campaigner Denis Along reported the matter and now the VILLAGE HEADMAN and a COUNCILLOR have told police 'the goods are not lost but are stored elsewhere'! Hear what Denis has to say about bringing those responsible to book!.....

IBAN

Dalam progrem ari Radio Free Sarawak lemai tu kitai mendingka cherita pemerinsa pengidup bansa asal di Sarawak enti dibandingka enggau pengidup rayat di Malaya, brapa pemayuh asil pengeraja asal ari Sarawak nyadika pengaya menua Malaysia ? Prof. Madeline Berma, bisi udah mansutka penerang pasal pemayuh sitak menua ti endur pendiau bansa asal ti agi idup meskin di menua pesisir dalam lebih 50 taun nitihka atur pemansang perintah BN/GPS. Awang Tenggah ngasuh orang ti bempu tanah mulaika pala tanah enti sida enda setujuka tanah sida disukat ngena Section 6. Atur ti dikena nyukat tanah NCR diatu endang dikena menyati bansa asal, reti nya orang ti nyakal tanah disukat nitih atur Section 6, tanah sida trus nadai pala. Orang di Long Terawan udah ngeripot ngagai polis pasal orang ti ngenchuri reta pesaka sida. Pendingka Radio Free Sarawak pukul 6 lemai tu.

English

On the show today: How poor are Sarawak's natives compared to the rest of Malaysia given how much the resources of East Malaysia have contributed to the national wealth? Prof. Madeline Berma a Malaysian Academy of Sciences Fellow gives us the measure of extreme poverty in so many inland communities after 50 years of 'development' under BN/GPS. Also Awang Tengah says "if you don't like the land titles we gave then give them back": We look at the NCR Land measurement issues and the bullying to accept terms or receive nothing. And thefts from Long Terawan, community leaders tell us their complaint made to the police.  Online after 6pm....

IBAN

Dalam progrem Radio Free Sarawak lemai tu, kitai ningaka Surang Laing ari Long Lua di Belaga, nusui pemerinsa pengidup bala Penan ti nadai agi jalai ngulihka pemakai laban pemakai menua sida ti udah direngkap endur perintah ngaga tekat hydro Murum. Perintah Sarawak ngena duit bebillion ringgit dikena ngaga tekat hydro nya, lalu bisi orang bulih duit bebillion ringgit ari asil rega batang kayu ari kampung tuai ba endur nya, tang pemakai menua Penan nadai dibayar pampas, diatu sida idup marinsa laban pemakai menua sida udah rusak nadai agi kampung endur sida ngiga pemakai. Perintah semina meri sida sepintu-sepintu RM 250 sebulan enggau tulung barang pemakai ti beungkus kenu ku jaku RM 600. Maya menua tasah laban Covid-19 barang pemakai nya nadai dianjung ngagai sida. Perintah besemaya deka matih sida ngereja pengawa betanam-betupi enggau meri lot tanah, ngaga rumah sekula tang nyentukka diatu semaya nya mengkang nadai nyadi nyata.Diatu 353 pintu Penan diri sebilik diau merinsa laban nadai tanah endur ngereja pengawa betanam-betupi, nadai kampung tuai endur sida ngasu beburu ngiga jelu, ikan sungai udah luus nadai ka pemakai sida agi.......

Pendingka pekara bukai ari Radio Free Sarawak online www.radiofreesarawak.org pukul 6 lemai tu.

English

On today's show: Surang Laing from Long Lua Belaga speaks of the plight of the forgotten Penan people displaced by Murum Dam. The state government invested billions in the dam and certain politically connected people made billions from taking out the wood, but compensation to the Penan who have no livelihood as a result of the destruction of their area is given in terms of a mere RM250 monthly allowance per family plus food items supposedly worth RM600. BUT WHEN COVID STRUCK THE SUPPLIES STOPPED. Promised agricultural lots and training have still not been granted and the settlement areas for the 353 families are woefully under-provided with a promised school still missing. It seems the wealthy men from GPS who made all the money from the Penan lands express their guilt through cruelty towards the victims they have plundered - and since few are still registered to vote GPS don't care.....

Iban

Ari Radio Free Sarawak lemai tu, kitai ningaka cherita Ulu Btg. Rajanh ti mayuh pengeraja asal nyengkaum kayu kampung, tang orang di menua nys diau merinsa mensena lebih agi ba pendiau sida laban kampung udah abis diperimba komoini. Kami bisi berandau enggau Alex Lihan pasal penusah ti nuntung bala Penan ti udah resa pendiau enggau jalai pengidup laban pemakai menua sida ti direngkap kandang tekat hydro Murum, nya ti ngasuh sida dia nadai agi rumah sekula, nadai jalai ti menyana, nadai ai beresi lalu nadai ngasaika penyamai idup ngena kuasa karan electrik, taja pun kuasa karan datai tikau ari rumah sida. Siku lawyer di menua nya Abu Sui Anyit ti diau di Dano, Tubau, bisi ngenang pemerinsa pendiau sida di menua nya laban nadai jalai raya ti menya enggau perengka ti pemadu beguna dalam pengidup mensia, tajs menua nya ngeluarka kayu batang ti berega bebillion ringgit. Kitai meri Selamat Hari Pengada ngagai Thomas Tegong Laka, ti suah mansutka runding iya pasal penusah ti nuntung pengidup bansa asal.. Pendingka Radio Free Sarawak pukul 6 lemai tu.

English

On today's show we focus on Hulu Rajang, an area rich in timber but where the people have been left impoverished by its harvest. We speak to local activist Alex Lihan about the lamentable services still at the settlement for Penan displaced by the hydropower dam at Murum, in particular regarding schooling, roads, water and electricity just a short distance from the mega-installation. Also the local lawyer Abu Sui Anyit and a Tubau Village resident Dano, who also laments lack of basic services for rural folk despite the billions SOMEBODY has made from taking all their timber. Also, Happy Birthday! to Thomas Tegong Laka who delivers his usual thoughts on native issues.......

Iban

Dalam progrem Radio Free Sarawak kitai mendingka penerang ari MP sitak Lubok Antu YB Jugah Muyang ti pansut ari PKR lalu nyukung perintah PN, iya madahka ngambika rayat di menua Lubok Antu tulihka projek pemansang. Kami nanyaka brapa pemayuh orang di menua nya tulihka penguntung ari penemu politik bekenya, kati alai sida enda nemu duit ti dikena ngaga projek nya endanh duit ari chukai rayat mayuh ? Ni pengelama rayat Malaysia mengkang ulih dikelakar bakanya, kati enda ka polisi perintah patut dikena ngatur pemansang menua ti pulaika penguntung semua rayat ? Sebengkah agi pekara pasal mayuh rayat di pesisir ti nadai buku akaun bank - Chairman Gerempung Raban Pakan madahka batang kebuah laban atur bank ti nadai ibuhka rayat ti seranta....Pendingka pekara bukai ari Radio Free Sarawak pukul 6 lemai tu.

English

Return to BN Money Politics - on today's show the latest recruit to PN, the  Lubok Antu  MP, Jugah Muyang, openly admits he was bribed to leave PKR by the promise of more money 'for projects for his constituents'. We ask how many constituents will benefit and by how much given that this was all their own public money in the first place? Indeed, how long must Malaysians continue to be bullied by corrupt practices, when government policies should benefit all the people not just those who vote for them? Also, why banks must change their ways to serve their rural customers -  the Chairman of Gerempung Raban Pakan says the main reason the rural population don't have bank accounts is bank management bureaucracy....